ဟံသာဝတီခေတ်ဘုရင်များ တည်ထားခဲ့သော တာတိုင်ဘုရားများ

တာတိုင်ဘုရားများသမိုင်း

ဟံသာဝတီခေတ် ကူးသန်းသွားလာရေးအတွက် ပဲခူးဟံသာဝတီမှတစ်ဆင့် သန်လျင် ပင်လယ်ဝ အထိ ရေလမ်းခရီးလမ်းကြောင်းကို ဆက်သွယ်သွားလာရန် အသုံးပြုခဲ့ကြသည်။ ကုန်းလမ်းကြောင်း အတွက်လည်း ဟံသာဝတီ-သန်လျင်လမ်းကြောင်းကို အသုံးပြုခဲ့ကြသည်။ ယင်းလမ်းကြောင်းကို ဒုံးလမ်းကြောင်းဟုလည်း ခေါ်ဆိုကြပြီး ပဲခူးဟံသာဝတီနှင့် သန်လျင်အစုန်အဆန်ခရီးအတွက် ရေလမ်းကြောင်းကို အသုံးပြုစရာမလိုဘဲ ရာသီမရွေး အတိုဆုံး၊ အမြန်ဆုံး သွားလာရောက်ရှိနိုင်သည့် ကုန်းလမ်းကြောင်းကို ရည်ညွှန်းသည်။ ထိုသို့ လျင်လျင်မြန်မြန် ဆက်သွယ်သွားလာနိုင်ရန် အသုံးပြုခဲ့သည့် ဒုံးလမ်းပေါ်တွင် ဟံသာဝတီဘုရင်များက စေတီများ တည်ထားကိုးကွယ်ခဲ့ကြသည်။ ယင်းဘုရားများကို တာတိုင်ဘုရားများဟုလည်း ခေါ်ဝေါ်ကြသည်။ လက်ရှိတွင် တာတိုင်ဘုရား ၁၁ ဆူသည် ပဲခူးနှင့် ရန်ကုန်ဒေသနှစ်ခု၌ တည်ရှိသည်။ ယနေ့ခေတ် ဆက်သွယ်ရေးလမ်းကြောင်းသည် အင်္ဂလိပ်ခေတ်ကာလက ဖောက်လုပ်ခဲ့သော ပဲခူး-သနပ်ပင်-ခရမ်း-သုံးခွ ရထားလမ်းဟောင်း လမ်းကြောင်းအတိုင်း ပဲခူး-သနပ်ပင်-ခရမ်း-သုံးခွ-သန်လျင် ကားလမ်းကို ဖောက်လုပ်အသုံးပြုနေခြင်း ဖြစ်ပါသည်။“ဟံသာဝတီခေတ် လူမှုဘဝများကို ဒုံးလမ်းကြောင်းနဲ့ တာတိုင်ဘုရားများမှ တစ်ဆင့် လေ့လာကြည့်ရှုနိုင်ပါသည်။